Unser Sujet
«D Strooss gheert uns und d GASS de Raere»
Unsere Sujet Värs
Mir jubiliere uf dr GASS im ganz bescheidene Rhame
Trotz 40 Joor, wie allewyyl kei Erschinige vo Erlahme
Im Herbscht, Sujet-Uswahl und afoh blaane
D Forme vom Waage ka me erscht erahne
Mit Bohrer und Pinsel wird baut und gschafft
Das koschtet Zyt, Närve und au e weeneli Kraft
D Schnyderin neiht uns e Kostüm: Klassisch, farbig oder schlicht
Über Änderige wäge eme Waggis-Ranze, het sie Schwiegepflicht
Blaggedde-Usgoob, im Jänner bi eme feine Ässe
Losst die besinnlige Wiehnachts-Dääg vergässe
Larve-Usgoob, mir träffe uns bi eme Aggdyyve,
D Larve sälber tuet no nach früscher Farb myyfe
Waage-Dauffi, mit eme Bächer Wyy
E Waage-Gotte isch allewyyl derbi
Ändlig Fasnachts-Määntig, zwölf Manne intrigiere
Me meint sie wurde uf dr Basler GASS regiere
Am Cortège, mir fahre wie allewyyl, verbi bim Comité
Me het uns vo wytem scho ghört, aber au sicher gseh
Sit 40 Joor, unser Erkennigszeige, es räärt
In Basel-Stadt, wohl e hohe Erkennigswärt
Doozmool bim Bau vo dr Raere, kei Findigs-Kommissioon
Doch sie ghört jetz scho fascht zur Fasnachts-Traditioon
Im 2007 e neus „Rääre“-Konzärt
Mir saage nit, s isch’s nit dr wäärt
Doch wän mir am Määntig Oobe lieber gmietlig zäme si
Bi eme feine Nachtässe, unseri Fahrerin isch au derbi
Am Zyschtig uf dr GASS, mir dörfe mit Stolz sage
Hän unseri Binggis e eigeni Raere an ihrem Waage
Am Mittwuch bim Waage leere: Alli um d Raere in Schaare
Mir sin mit unserem Waage scho mänge Kilometer gfahre
Fasnachts-Änd, Waage und Raere in Bättwil in Egge gstellt
Aber vo de drei scheenschte Dääg wird no lang verzellt
Dr Bummel, mir hän bi uns e idee-ryche Maa
Är weiss, wie me die andere 11 überrasche ka
Dr Summerblausch, mir sin uf em Bach
Mänge brüünt si Ranze, nit ganz flach
Mir hoffe, d Raere mag me no mängs Joor höre
Au wenn’s dr eint oder anderi z’Basel sot störe
E Raere-Saison jetzt leider z’änd, mir sin fruschtriert
Aber bald sin mir wieder uf dr GASS, es wird triumpfiert
Comité Sujet
«D Stroos gheert uns!»