Unser Sujet
«Gits Hochbetriib uff em Ryy – isch s mit em Baggerschiff verbyy!»
Unsere Waage
Unsere Schlappe sufft jetz ab
und dr Bagger dä gheit drab
Comité Sujet
«Mr basse in kai Schublaade»
Dr Blaggedde Värs vom Fasnachts-Comité
Ändlig haissts jetz rädäbäng
Die Schublääde sin vyl z äng.
Uuse sait die Alti Dante.
Spiilet joo nit die Scharmante.
Ueli, Waggis, gännd ain druff,
machet eiri Schnure uff!
Schrybet Zeedel fräch und spitz,
Schnitzelbängg mit Gaischt und Witz.
Lisischs, kasch nyt anders mache,
als au uff em WC z lache.
Was dur s Joor so schieff als goot,
saisch au em Regierigsroot
S het dr Wessels drum verzellt,
är haig Oorestöpsel bstellt.
Glygge, Gugge, Bänggler, Wääge,
alli dien die Fasnacht prääge,
dorum zaigt is die Blaggedde,
d Fasnacht het so vyl Facette.
Mainsch si basst no in d Schublaade,
noo bisch gaischtig arg verlaade.
Das Schublaademöbel doo
Duet am Rhy als Rochedurm stoo.
S dunggt is, ooni doo z benoote,
s isch d Blaggedde besser groote.
Kischtler isch dr Tarek Moussalli,
wo sich sait, i hoff, dass sie eich gfalli.
Die Schublaade gseesch perfäggt,
denn dr Müller het si präggt.
Bim Verkauf, i sags eich hit,
giltet aber s Motto nit.
Jetz muesch in d Schublaade basse:
Gang gschwind go d Blaggedde fasse!