Unser Sujet
«Dr Bärg rieft!»
Comité Sujet
«Mer mache dicht»
Dr Blaggedde Värs vom Fasnachts-Comité
S Motto haisst, mer mache dicht.
Doodrzue basst grad die Gschicht.
Ich wott in e Laade goo.
Dert haissts, dä isch nimme do.
Vor zää Daag duet dä no wäärbe.
Hit wirbt är fir s Laadestäärbe.
Noo däm frogt mi aine glatt:
Goosch du z Basel no in d Stadt?
Mängge Laade isch nimm z redde.
Bildlig zaigt is daas d Balggedde.
Lueg, am Waggis loots kai Rueh.
Är macht jetz sy Laade zue.
Uff dr Kupfer nur e bitz.
D Silber zaigt, es isch kai Witz.
Vo dr Gold my letschte Bricht.
Jetz isch au dä Laade sicht,
aber s Bijou het mi gfrait,
well en Alti Dante sait:
Waggis, syg jetz nit so muff,
noo drei Daag machsch wider uff.
D Kupfer. D Silber, d Gold macht dicht.
Wiene Film lauft doo die Gschicht.
Und dä Film kasch du elaige
jetz als Duumekino zaige.
Dass das goot, kaufsch fir dy Schatz
dass Mool grad e ganze Satz.
Dasch nit dyyr, drum machs ganz still,
vor dy Schatz en iPhone will.
Wär vo Film e bitz verstoot,
frogt an wär dr Oscar goot?
Zerscht gits aine fir d Regie.
S mues dr Giudo Happle sy.
Und als Produzänt nimmt hit
au dr Müller no ain mit.
So wird in dr Oscarnacht,
z Basel au d Blaggedde gmacht.
D „Filmacademy“ juhee
isch jetz s Fasnachts-Comité.