Unsere Arbeitsblatz. Do wird gschweisst, ghämmeret, gschruubt, gmoolt, gsäägt und natürlig als erschts plant, wie dr Waage für die kommendi Fasnacht jewyls soll usgseh.
Bi Doppler’s sin mir sit em Joor 2003 yquartiert. Do finde mir mängs Wärkzüüg im Laager vom «Doppler’s Land-, Bau- und Miet-Maschinen-Service». Uf däm Wäg möchte mir de Doppler’s e ganz grosses Danggschön usspräche!
Zwüsche em Joor 1977 und dr Fasnacht 2005 het dr alti Waage sini Dienscht gleischtet. Mit 28 Joor het är si Penionsalter erreicht und isch usgmuschteret worde.
Sit dr Fasnacht 2006 sin mir mit eme modärne Laschtwageahänger, wo mir eigens für unseri Bedürfdnis umbaut hän, am Cortège unterwägs. Dr Waage het e Längi vo 7,60 Meter und e Breite vo 2,52 Meter. Do no e Hèlge mit allne Mass! S Dach uf däm Foti, wo mir mit 2 Kurble hän könne uffemache, isch für d Fasnacht 2019 durch e neuii Konstruktion ersetzt worde.
Adrässe
Doppler’s Land-, Bau- und Mietmaschinen-Service
Mühlemattstrasse 6
4112 Bättwil.
Do gohts zu de Hèlge vom Waagebau vor dr Fasnacht 2013!
Do no e paar Zahle vo unserem Waage vo dr Fasnacht 2013
- 705 kg Orange
- 490 kg Räppli
- 852 kg Früschfleich (Raere Waggis)
- 55 kg Filet (unseri Chauffööse)
- 2686 ufkläbti Bierdeggel ufem Waage